“ინტერი” ადრიან რაბიოთი დაინტერესდა

თარიღი: მარტი 8, 2018

“პარი სენ-ჟერმენის” ნახევარმცველმა ადრიან რაბიომ ზაფხულის სატრანსფერო პერიოდში შესაძლოა, გუნდი გამოიცვალოს. “კალჩო მერკატოს” ცნობით, 22 წლის ფრანგი ფეხბურთელით მილანის “ინტერი გახლავთ დაინტერესებული. ტრანსფერის განხორციელება მხოლოდ იმ შემთხვევაში იქნება შესაძლებელი, თუ იტალიური გუნდი ჩემპიონთა ლიგის საგზურს მოიპოვებს.

ადრიან რაბიოსა და “პარი სენ-ჟერმენს” შორის გაფორმებულ მოქმედ შრომით ხელშეკრულებას ვადა 2019 წლის ზაფხულამდე აქვს. კონტრაქტის გახანგრძლივებაზე მოლაპარაკება ჯერ არ დაწყებულა. ფრანგი ფეხბურთელით რამდენიმე ინგლისური კლუბიც არის დაინტერესებული.

მსგავსი სიახლეები