“ინტერი” დრის მერტენსა და ანხელ დი მარიას აკვირდება

სტეფანო პიოლიმ მილანური “ინტერის” მფლობელ კომპანიას “პარის სენ-ჟერმენისა” და “ნაპოლის” შემტევების, ანხელ დი მარიასა და დრის მერტენსის გადაბირება მოსთხოვა.

Gazzetta dello Sport-ის ცნობით, “რომასთან” განცდილი მარცხის შემდეგ, “ნერაძურის” ხელმძღვანელებმა სერიოზულად დაიწყეს ფიქრი ახალი პროექტის გაძლიერებაზე.

აღსანიშნავია, რომ “ბარსელონასთან” განცდილი მარცხის შემდეგ, საკმაოდ დიდია შანსი, რომ დი მარიას საფრანგეთის დატოვება მოუწიოს, “ინტერი” კი შესანიშნავი ვარიანტი იქნება მისთვის.

იმ შემთხვევაში, თუ არგენტინელი შემტევი უარს იტყვის იტალიაში გადაბირებაზე, მილანელები მთელ ყურადღებას მერტენსზე გადაიტანენ, რომელსაც ნეაპოლელებთან არსებული კონტრაქტი 2018 წელს ეწურება.