ინტერის პრეზიდენტი: ცხადაძე მოლაპარაკებებს ჩემს ზურგსუკან აწრმოებდა

ბაქოს “ინტერის” პრეზიდენტმა გიორგი ნიკოლოვმა “აზრიფუტბოლთან” საუბრისას განაცხადა, რომ კახა ცხადაძის გადაწყვეტილებით გაკვირვებული და უკმაყოფილოა.

“ცხადაძის საქართველოს ნაკრების მწვრთნელად დანიშვნის შესახებ მოულოდნელად, ინტერნეტის საშუალებით გავიგე. მას წარმატებებს ვუსურვებ, თუმცა “ინტერისთვის” ეს ცუდი ამბავია. ცხადაძე საქართველოს ფეხბურთის ფედერაციასთან მოლაპარაკებებს ჩემს ზურგს უკან აწრმოებდა. კახაბერი ჯენტლმენურად არ მოიქცა.

ცხადაძის ხელმძღვანელობით “ინტერს” წარმატებები ჰქონდა, თუმცა მან გადაწყვეტილება მიიღო და მას პატივი უნდა ვცეთ. ამასთან ერთად ცხადაძე კლუბის მეპატრონეს, ჯახანგირ გაჯიევს უკვე ესაუბრა და “ინტერში” ის სეზონის ბოლომდე დარჩება.

ჩვენ კი ახალი მწვრთნელის ძიებას ვიწყებთ. “ინტერს” ახალ დამრიგებელთანაც ცხადაძის მსგავსად ხანგრძლივი ურთიერთობა სურს” – განაცხადა ნიკოლოვმა.