“ინტერმა” ევროპის ლიგაზე რეკორდი დაამყარა

უეფას ევროპის ლიგის მეოთხედფინალურ ეტაპზე მილანის “ინტერმა” ლევერკუზენის “ბაიერი” ანგარიშით 2:1 დაამარცხა. იტალიური კლუბი ევროპის ლიგის (უეფას თასი) ნახევარფინალში ტურნირის არსებობის განმავლობაში მერვედ გავიდა, რაც სარეკორდო მაჩვენებელია. აღსანიშნავია ისიც, რომ “ინტერი” ევროთასების ნახევარფინალში 2010 წლის შემდეგ პირველად ითამაშებს. ათი წლის წინ “ნერაძურიმ” ჩემპიონთა ლიგის ნახევარფინალური ეტაპი დაძლია და ფინალიც მოიგო (2:0 “ბაიერნი”).

“ინტერი” ევროპის ლიგის ნახევარფინალურ ეტაპზე დონეცკის “შახტარისა” და “ბაზელის” წყვილს შორის გამარჯვებულს შეხვდება.

მეორე მეოთხედფინალურ მატჩში “მანჩესტერ იუნაიტედმა” “კოპენჰაგენი” დამატებით დროში გატანილი ერთადერთი გოლის წყალობით დაამარცხა.