“ინტერმა” მილანური დერბი იკარდის ჰეთთრიკით მოიგო (ვიდეო)

თარიღი: ოქტომბერი 16, 2017

იტალიის სერია A-ს მერვე ტურის ცენტრალური მატჩი “ჯუზეპე მეაცაზე” შედგა, სადაც ნომინალური მასპინძელი “ინტერი” გახლდათ, “მილანი” კი სტუმრის რანგში თამაშობდა.

შეხვედრა ორივე გუნდის მხრიდან ტაქტიკური დაზვერვით დაიწყო, პირველი სახიფათო ეპიზოდი კი მე-13 წუთზე განვითარდა, როდესაც ანტონიო კანდრევას შორეული დარტყმის შემდეგ ბურთი “მილანის” კარის ხარიხას მოხვდა. “ინტერის” გარემარბმა გოლი არა, მაგრამ საგოლე გადაცემა მაინც ჩაიწერა: 28-ე წუთზე სწორედ მისი გადაცემის შემდეგ მეტოქის საჯარიმოში დასწრებაზე ითამაშა მაურო იკარდიმ და ანგარიში გახსნა 1:0. ამ გოლის შემდეგ მატჩის მიმდინარეობა დიდად არ შეცვლილა, არც “როსონერი” გააქტიურებულა განსაკუთრებით, თუმცა ტაიმის ბოლოს ფაბიო ბორინის წონასწორობის აღდგენის კარგი შესაძლებლობა მიეცა. იტალიელის დარტყმის შემდეგ სამირ ჰანდანოვიჩმა შესანიშნავი რეაგირება გამოავლინა და ბურთი მოიგერია, დამატებაზე კი იმავე ბორინიმ ზუსტად ვეღარ დაარტყა.

შეხვედრის მეორე ნახევარში სრულიად შეცვლილი “მილანი” გამოვიდა მოედანზე. ვინჩენცო მონტელას გუნდი საგრძნობლად გააქტიურდა, სათამაშო უპირატესობას დაეუფლა და სახიფათო მომენტების შექმნა დაიწყო, 56-ე წუთზე კი საწადელსაც მიაღწია: “ინტერის” საჯარიმოს მისადგომებთან სუსოს ხელი არავინ შეუშალა, ესპანელმა თავისუფლად დაარტყა მეკარისგან მარჯვენა დაბალ კუთხეში და ანგარიში გაათანაბრა, თუმცა “როსონერის” სიხარული დიდხანს არ დასცალდა. 63-ე წუთზე იკარდიმ საკუთარ ნახევარზე მეტოქეს ბურთი აართვა და თავადვე წამოიწყო შეტევა, რომელიც შემდეგ ფლანგზე ივან პერიშიჩმა განავითარა, პარალელურად იკარდიმ მეტოქის საჯარიმოში ხელსაყრელი პოზიცია დაიკავა და პასს დაელოდა, არც ხორვატმა დაახანა უყურადღებოდ დარჩენილი არგენტინელი ფორვარდისთვის გადაცემის გაკეთება, “ნერაძურის” კაპიტანმა ნახტომში ერთი შეხებით დაარტყა და “ინტერი” ხელმეორედ დაწინაურდა 2:1.

81-ე წუთზე “მილანმა” კიდევ ერთხელ მოახერხა წონასწორობის აღდგენა: მეტოქის საჯარიმოში ბორინის გამჭოლ პასს ჯაკომო ბონავენტურა გამოეხმაურა, ჰანდანოვიჩმა კი შეძლო მოგერიება, მაგრამ ძელიდან ასხლეტილი ბურთი თავადვე შეიტანა საკუთარ კარში – 2:2. ამით ყველაფერი არ დასრულებულა. 89-ე წუთზე რიკარდო როდრიგესმა საკუთარ საჯარიმოში დანილო დამბროზიო შებოჭა, რის გამოც “მილანის” კარის მიმართულებით თერთმეტმეტრიანი დარტყმა დაინიშნა. პენალტი იკარდიმ ზუსტად შეასრულა და მისი ჰეთთრიკის წყალობით “ინტერმა” სამი ქულა ჩაიწერა – 3:2.

“ინტერმა” ამ გამარჯვების შემდეგ 22 ქულა მოაგროვა და გათამაშების ლიდერ “ნაპოლის” მხოლოდ ორი ქულით ჩამორჩება. “მილანს” 12 ქულით მეცხე პოზიცია უკავია.

იტალიის სერია A
VIII ტური
“ინტერი” — “მილანი” 3:2 (1:0)

“ინტერი”: ჰანდანოვიჩი, დამბროზიო, შკრინიარი, ჟოაო მირანდა, ნაგატომო, ვესინო, ბორხა ვალერო (ედერი 85′), კანდრევა (ჟოაო კანსელუ 73′), გალიარდინი, პერიშიჩი, იკარდი (სანტონი 90+3′).
მთავარი მწვრთნელი: ლუჩანო სპალეტი.

“მილანი”: დონარუმა, მუსაკიო, ბონუჩი, რომანიოლი (ლოკატელი 78′), ბორინი, კესიე (კუტრონე 46′), ბილია, ბონავენტურა, როდრიგესი, სუსო, ანდრე სილვა.
მთავარი მწვრთნელი: ვინჩენცო მონტელა

გოლები: იკარდი 28′, 63′, 90′ (პენ) — სუსო 56′, ჰანდანოვიჩი 81′ (ა.გ.)
გაფრთხილებები: ჟოაო მირანდა 15′, ვესინო 25′, გალიარდინი 66′, პერიშიჩი 79′, იკარდი 90+1′, ედერი 90+4′ — რომანიოლი 22′, როდრიგესი 89′.
მთავარი არბიტრი: პაოლო ტალიავენტო.

 

მსგავსი სიახლეები
ფეხბურთი

ბუფონი სეზონის ბოლოს “იუვენტუსს” დატოვებს

ტურინის “იუვენტუსის” კარის დარაჯმა ჯანლუიჯი ბუფონმა გამოაცხადა, რომ მიმდინარე სეზონის შემდეგ კლუბს დატოვებს. “გადავწყვიტე, რომ [&hel...
წაკითხვა
ფეხბურთი

1999 წლის შემდეგ პირველად სერია A-ში

საფეხბურთო კლუბმა “სალერნიტანა” იტალიის სერია В-ს დასკვნით ტურში “პესკარა” ანგარიშით 3:0 დაამარცხა და სერია A-ში […]...
წაკითხვა
ფეხბურთი

თუ “იუვენტუსი” სუპერლიგას არ დატოვებს, სერია A-ში ვეღარ ითამაშებს

იტალიის ფეხბურთის ფედერაციის პრეზიდენტის, გაბრიელე გრავინას განცხადებით, იმ შემთხვევაში თუ ტურინის “იუვენტუსი” ევროპის სუპერ ლიგაში [&hell...
წაკითხვა
ფეხბურთი

პირლო: “წასვლას არ ვაპირებ”

ტურინის “იუვენტუსის” მთავარმა მწვრთნელმა, ანდრეა პირლომ “მილანთან” განცდილი მარცხის (0:3) შემდეგ განაცხადა, რომ ის დაკავებული ...
წაკითხვა
ფეხბურთი

ანტე რებიჩის ულამაზესი გოლი “იუვენტუსის” კარში (ვიდეო)

იხილეთ ვიდეო Rebic’s great goal against Juventuspic.twitter.com/bCX9cX91G3 — Milan Eye (@MilanEye) May 9, 2021...
წაკითხვა
ფეხბურთი

“დღეს პატარა ბავშვივით ვარ” – არიენ რობენის ემოციური ინტერვიუ მატჩის შემ

ვეტერანმა ნიდერლანდელმა ფეხბურთელმა არიენ რობენმა 2020 წლის სექტემბრის შემდეგ “გრონინგენის” სასტარტო შემადგენლობაში პირველად ითამაშა. დღეს...
წაკითხვა
ფეხბურთი

“ადექი, მსუქანო” – რა უთხრეს ერთმანეთს სუარესმა და “ბარსელონასR

8 მაისს, ლა ლიგის 35-ე ტურში “ბარსელონამ” საკუთარ მოედანზე მადრიდის “ატლეტიკოს” უმასპინძლა და ფრედ 0:0 […]...
წაკითხვა
ფეხბურთი

ოთარ კიტეიშვილის გოლი “ზალცბურგის” კარში (ვიდეო)

9 მაისს, ავსტრიის ჩემპიონატის 29-ე ტურში ოთარ კიტეიშვილის “შტურმი” საკუთარ მოედანზე “ზალცბურგს” დაუპირისპირდა და 1:3 […...
წაკითხვა
ფეხბურთი

გიორგი მიქაუტაძემ ფლეი-ოფის განმეორებით მატჩშიც გაიტანა (ვიდეო)

ბელგიის ჩემპიონატის ფლეი-ოფის განმეორებით შეხვედრაში გიორგი მიქაუტაძის “სერენი” სტუმრად “ვასლანდ-ბევერენს” უპირისპირდება. ქართ...
წაკითხვა
ფეხბურთი

ჯანო ანანიძეს ბათუმის “დინამოს” გულშემატკივარი სტვენით შეხვდა (ვიდეო)

საქართველოს ეროვნულ ლიგაში, ბათუმის “დინამოსა” და თბილისის “დინამოს” შორის მიმდინარე მატჩში, 63-ე წუთზე ჯანო ანანიძემ [&hellip...
წაკითხვა
ფეხბურთი

ლუკაკუ: “ზლატანის მსგავსი ფეხბურთელები სერია A-ს სჭირდება”

“ინტერის” თავდამსხმელმა რომელუ ლუკაკუმ ზლატან იბრაჰიმოვიჩთან დაპირისპირება გაიხსენა და შვედი ფეხბურთელის შესახებ ისაუბრა. შეგახსენებთ, რომ...
წაკითხვა