“ინტერს” პორნოსაიტი დაასპონსორებს?

Football Italia-ს ცნობით, მილანის “ინტერს” სპონსორობას პორნოკომპანია Stripchat-ი სთავაზობს.

როგორც მოგეხსენებათ, მიმდინარე სეზონის ბოლოს კომპანია Pirelli-სა და “ინტერს” შორის 26-წლიანი თანამშრომლობა დასრულდება. მილანური კლუბი ახალი სატიტულო სპონსორის ძიებაშია და ერთ-ერთი კომპანია, რომელმაც “ნერაძურის” მიმართა, პორნოსაიტი Stripchat-ი გახლავთ. კომპანია “ინტერს” წელიწადში 23 მილიონ ევროს სთავაზობს, თუმცა “ინტერის” ხელმძღვანელობას 30-მილიონიანი სასპონსორო ხელშეკრულების გაფორმება სურს.

გარდა ამისა, “ინტერის” მფლობელი კომპანია Suning-ი სხვა პარტნიორების ძიებაშია, რომლებიც კლუბს ფინანსურად დაეხმარებიან. გავრცელებული ინფორმაციით, “ნერაძური” 200 მილიონი ევროს ოდენობის ფულად ინექციას საჭიროებს.