იოზილი “არსენალიდან” წასვლას არ აპირებს

თარიღი: იანვარი 17, 2020

ლონდონის “არსენალის” ნახევარმცველი მესუთ იოზილი გუნდის დატოვებას ჯერ არ აპირებს. ამის შესახებ გერმანელმა ფეხბურთელმა თავად განაცხადა.

“ჩემი კონტრაქტით კმაყოფილი ვარ. ამ სეზონის მეორე ნახევარს და მომდევნო წელსაც “არსენალში” გავატარებ. ვერ გეტყვით, რა იქნება შემდეგ”, – თქვა იოზილმა.

მხარეებს შორის გაფორმებულ შრომით ხელშეკრულებას ვადა 2021 წლის ზაფხულში ეწურება. თუ კონტრაქტი არ გაგრძელდება, წელიწადნახევრის შემდეგ გერმანელ ნახევარმცველს თავისუფალი აგენტის სტატუსით გუნდის დატოვება შეეძლება. იმ დროს ის 32 წლის იქნება.

შეგახსენებთ, რომ მესუთ იოზილი “არსენალის” ღირსებას 2013 წლიდან იცავს. მან ინგლისის პრემიერლიგის მიმდინარე გათამაშებაში 12 მატჩი ჩაატარა და ერთი საგოლე გადაცემა მიითვალა.

მსგავსი სიახლეები