იოზილი “ბაიერნთან” გასამართ საპასუხო მატჩს გამოტოვებს
თარიღი: მარტი 6, 2017
უეფას ჩემპიონთა ლიგის მერვედფინალურ ეტაპზე ლონდონის “არსენალსა” და მიუნხენის “ბაიერნს” შორის გასამართ საპასუხო მატჩს “მეთოფეთა” ნახევარმცველი მესუთ იოზილი გამოტოვებს.
გერმანელი ფეხბურთელი სრულად ჯერ არ გამოჯანმრთელებულა, რის გამოც “ლივერპულთა” გასამართი მატჩიც (1:3) გამოტოვა, თუმც ვარჯიში უკვე განაახლა.
“იოზილი განაცხადში არ იქნება. მან მხოლოდ ერთი ვარჯიში ჩაატარა და მატჩში სათამაშოდ ფიზიკურად მზად არ არის”, – ციტირებს “არსენალის” თავკაც არსენ ვენგერის სიტყვებს “დეილი მეილი”.
შეგახსენებთ, რომ წყვილის პირველი მატჩი ბავარიული გუნდის გამარჯვებით, ანგარიშით 5:1 დასრულდა. საპასუხო შეხვედრა ლონდონში, ხვალ გაიმართება და თბილისის დროით 23 საათსა და 45 წუთზე დაიწყება.
მსგავსი სიახლეები