IRB თბილისის თასი 2014 – ბილეთები 9 ივნისიდან გაიყიდება
- ბილეთების გაყიდვა 9 ივნისიდან
- რაგბის კავშირში ყოველდღე 12:00-18:00
- სამატჩო დღეს ავჭალის სტადიონზე
- ფასი 5ლარი
შვიდ დღეში სტარტს იღებს ყოველწლიური საერთაშორისო ტურნირი – IRB თბილისის თასი. ტურნირის წლევანდელ გათამაშებაში საქართველოს და ესპანეთის ნაკრებები, მზარდი იტალია (A ნაკრები) და არგენტინელი იაგუარები (A ნაკრები) მიიღებენ მონაწილეობას. 2014 წლის თბილისის თასის გენერალური სპონსორი და წარმომდგენია ‘ვი თი ბი ბანკი’ , რომლის ვიცე-პრეზიდენტმაგიორგი ბარკალაიამ განაცხადა: „სიამაყით გვსურს ავღნიშნოთ, რომ ჩვენი ქვეყნის ყველაზე წარმატებული სპორტის სახების მხარადაჭერის შესაძლებლობა მოგვეცა. წარმატებას ვუსურვებთ ჩვენს მორაგბეებს და ვიმედოვნებთ, რომ ვითიბი ბანკის მხარდაჭერა კიდევ უფრო შეუწყობს ხელს რაგბის განვითარებას, წინსვლას და წარმატებას.“
ტურნირი 14, 18 და 22 ივნისს, ავჭალის სარაგბო სტადიონზე გაიმართება. თითო სათამაშო დღეს ორ-ორი მატჩი გაიმართება, რომლებიც შესაბამისად 17:00 და 19:00 საათზე დაიწყება. თითო სათამაშო დღის ბილეთის ფასი 5 ლარს შეადგენს.
ბილეთები 9 ივნისიდან გაიყიდება
IRB თბილისის თასი 2014-ის თარიღების დაანონსების დღიდან ქართული რაგბის უკლებლივ ყველა ქომაგს აიტერესებდა ბილეთები როდიდან გაიყიდებოდა. ბილეთები გაყიდვაში ორშაბათიდან, 9 ივნისიდან გამოვა. ბილეთები საქართველოს რაგბის კავშირში ყოველდღიურად 12:00 საათიდან 18:00 საათამდე გაიყიდება, ხოლო სამატჩო დღეებში, 14; 18; 22 ივნისს, ავჭალის რაგბის სტადიონის სალაროებში. ყველა ბილეთი დანომრილია.
აქვე გვინდა განვაცხადოთ, რომ საქართველოს რაგბის კავშირს გადამყიდველთა წინააღმდეგ სამწუხაროდ არანაირი ბერკეტი გააჩნია, აქედან გამომდინარე ქომაგებს მოვუწოდებთ დროულად იზრუნონ ბილეთების შეძენაზე.
Rugby.GE
