ისკო ჟურნალისტს: “ამ შეკითხვაზე არ გიპასუხებთ”
ესპანეთის ნაკრები ერთა ლიგაზე ინგლისის წინააღმდეგ გასამართი მატჩისათვის ემზადება. ესპანელთა შემტევმა ნახევარმცველმა, ისკომ პრესკონფერენცია გამართა, სადაც ჟურნალისტებთან ისაუბრა.
ისკოს შეკითხვა El Pais-ის ჟურნალისტმა დიეგო ტორესმა დაუსვა. შეკითხვა ეხებოდა იმას, თუ როგორი გუნდების წინააღმდეგ თამაში მოსწონს ისკოს – გუნდების, რომლებიც დაცვიდან თამაშობენ თუ გუნდები, რომლებიც ხშირად უტევენ. “რეალის” ფეხბურთელმა პასუხის გაცემა იუარა.
“არ გიპასუხებთ, რადგან თქვენ მაინც იმას დაწერთ, რაც გსურთ. ჩვენ, ფეხბურთელები ნაკრებისათვის მოედანზე ვთამაშობთ, მაგრამ გვერდით ის ხალხი გვჭირდება, რომლებიც დახმარებას გაგვიწევენ და დაბრკოლებებს არ შეგვიქმნიან”, – ციტირებს ისკოს სიტყვებს “ასი”.
Isco destroys Diego Torres: "I'm not going to answer you, you're going to write whatever you want anyways. I'll let you continue along [your negative] lines & try to bother the NT as little as possible." pic.twitter.com/GoChJPLkyH
— M•A•J¹³ (@Ultra_Suristic) September 6, 2018
