ისტორიაში პირველად: ევროთასების ფინალში მხოლოდ ერთი ქვეყნის წარმომადგენლები ითამაშებენ

თარიღი: მაისი 10, 2019

დასრულდა ევროთასების ბოლო ნახევარფინალური მატჩები და გაირკვა წლევანდელი ფინალების მონაწილე გუნდების ვინაობა.

ორივე ტურნირის გადამწყვეტ შეხვედრაში ინგლისური კლუბები ითამაშებენ. ევროთასების ისტორიაში პირველად მოხდა, რომ ფინალური მატჩების საგზურები მხოლოდ ერთი ქვეყნის წარმომადგენლებმა მოიპოვეს. შეგახსენებთ, რომ ჩემპიონთა ლიგის დასკვნით შეხვედრაში ერთმანეთს “ლივერპული” და “ტოტენჰემ ჰოთსპური” შეხვდებიან, ხოლო ევროპის ლიგის გადამწყვეტ მატჩში ლონდონის “არსენალი” თანაქალაქელ “ჩელსის” დაუპირისპირდება.

ჩემპიონთა ლიგის ფინალი პირველ ივნისს, მადრიდის “ვანდა მეტროპოლიტანოზე” ჩატარდება, ევროპის ლიგის დასკვნით შეხვედრას კი ბაქოს ოლიმპიური სტადიონი 29 მაისს მიიღებს.

მსგავსი სიახლეები