იტალია: 23-ე ტურის მიმოხილვა

Fanebi.com წარმოგიდგენთ იტალიური სერია A-ს 23-ე ტურის მიმოხილვას.

მილანი – ემპოლი

„მილანსა“ და „ემპოლის“ შორის იტალიის სერია ა-ს 23-ე ტურის მატჩი საკმაოდ დრამატულად მორჩა.

მე-8 წუთზე მასპინძლებს იძულებით ცვლილება მოუწია – ტრავმირებული ალექსი ბოკეტიმ შეცვალა. ანგარიში კი მე-40 წუთზე გაიხსნა, როდესაც მენეზმა მარცხენა ბონავენტურას მარცხენა ფლანგზე პასი გაუკეთა, ამ უკანასკნელის პასს კი დესტრო გამოეხმაურა, რომელმაც „მილანის“ მაისურით თავისი პირველი გოლი გაიტანა – 1:0.

მეორე ნახევარში „შავ-წითლებმა„ უპირატესობის შენარჩნება ვერ შეძლეს – 68-ე წუთზე საჯარიმოში ჩაწოდებული ბურთის დახმარებით მასიმო მაკარონემ თავური დარტყმით ანგარიში გაათანაბრა.

მატჩის ძირითადი დროის დასრულებამდე მასპინძელთა მეკარე დიეგო ლოპესმა თავისი გუნდი უმცირესობაში დატოვა – ბურთის თამაშში შეყვანინსას ესპანელმა კიპერმა იგი „ემპოლის“ მოთამაშეს გაარტყა, რის შემდეგაც საჯარიმოს გარეთ ხელით თამაში მოუწია. შედეგად, ინძაგის ბოლო ცვლილების გამოყენება მოუწია, მოედანი კი გოლის ავტორმა მატია დესტრომ დატოვა – კარში აბიატი ჩადგა. რამდენიმე წუთში მილანელები 9 კაცითაც დარჩნენ – ტრავმა პალეტამ მიიღო, ცვლილების უფლება პიპოს აღარ ჰქონდა.

საბოლოოდ, 1:1 და „მილანმა“ 30 ქულა დააგროვა, ხოლო „ემპოლის“ მონაგარი ამჟამად 24 ქულას შეადგენს.

რომა – პარმა

მოულოდნელად დასრულდა რომში გამართული ლიდერისა და აუტსაიდერის დაპირისპირება.

“რომას” ჩემპიონატის გამოკვეთილი აუტსაიდერი, “პარმა” ესტუმრა, რომელსაც უკანასკენლად ქულები 6 იანვარს ჰქონდა მოპოვებული. მიუხედავად ამისა, სატურნირო ცხრილის უკანასკნელ პოზიციაზე მყოფმა გუნდმა გათამაშების ერთ-ერთი ლიდერს მედგარი წინააღმდეგობა გაუწია და დედაქალაქიდან შინ ერთი ქულით დაბრუნდა. შეხვედრა გატანილი გოლების გარეშე, 0-0 დასრულდა.

ჩეზენა – იუვენტუსი

კონკურენტის წაფორხილებით ვერ ისარგებლა ტურინის “იუვენტუსმა”. მასიმილიანო ალგერის გუნდი “რომას” მსგავსად აუტსაიდერს ეთამაშებოდა, თუმცა “ჩეზენასთან” გამართული შეხვედრა რომაულისგან განსხვავებით, უხვგოლიანი გამოდგა.

ანგარიში მე-17 წუთზე დურიჩმა გახსნა და “ჩეზენაც” დაწინაურდა. “იუვენტუსმა” მალევე გაათანაბრა და ტაიმის დასრულებამდე წინ გასვლაც შეძლო. გოლები ალვარო მორატას და მარკიზიოს ანგარიშზეა.

საბოლოო ანგარიში 70-ე წუთზე ბრიენცას გოლით დაფიქსირდა, რომელმაც “ჩეზენას” ქულა მოუტანა. აღსანიშნავია, რომ არტურო ვიდალმა შეხვედრის 82-ე წუთზე პენალტი ვერ გამოიყენა.

ტურის ყველა მატჩი

14.01	23:45	პალერმო		3:1		ნაპოლი		დაწვრილებით
14.02	21:00	სასუოლო		1:3		ფიორენტინა		დაწვრილებით
15.02	15:30	მილანი		1:1		ემპოლი		დაწვრილებით
15.02	18:00	რომა		0:0		პარმა		დაწვრილებით
15.02	18:00	უდინეზე		0:1		ლაციო		დაწვრილებით
15.02	18:00	ატალანტა		1:4		ინტერი		დაწვრილებით
15.02	18:00	ჯენოა		5:2		ვერონა		დაწვრილებით
15.02	18:00	ტორინო		1:1		კალიარი		დაწვრილებით
15.02	21:00	კიევო		2:1		სამპდორია		დაწვრილებით
15.02	23:45	ჩეზენა		2:2		იუვენტუსი		დაწვრილებით