იტალიელებმა კალაძის “მილანში” გადასვლა ზამთრის საუკეთესო ტრანსფერების ათეულში შეიტანეს

იტალიური გამოცემა “ლა სტამპას” ჟურნალისტებმა სცადეს, გაექარწყლებინათ მითი იმის შესახებ, რომ ზამთრის სატრანსფერო პერიოდში ნაყოფიერი გარიგების განხორციელება შეუძლებელია და აპენინის ნახევარკუნძულზე იანვრის თვეში გაკეთებული ყველაზე წარმატებული ტრანსფერების ათეული შეადგინეს, რომელშიც კახა კალაძის “მილანში” გადასვლაც დაასახელეს.

ჰიდეტოში ნაკატა: 2000 წელს “პერუჯადან” “რომაში” 21.7 მლნ. ევროს სანაცვლოდ გადავიდა;
კახაბერ კალაძე: 2001 წელს კიევის “დინამოდან” “მილანში” 16 მლნ. ევროს სანაცვლოდ გადავიდა;
დეიან სტანკოვიჩი: 2004 წელს რომის “ლაციოდან” მილანის “ინტერში” ოთხი მლნ. ევროს სანაცვლოდ გადავიდა;
ედინსონ კავანი: 2007 წელს მონტევიდეოს “დანუბიოდან” “პალერმოში” თითქმის ხუთი მლნ. ევროს სანაცვლოდ გადავიდა;
ალექსის სანჩესი: 2007 წელს მშობლიური “კობრელოადან” “უდინეზეში” მხოლოდ სამი მლნ. ევროს სანაცვლოდ გადავიდა;
ტიაგო სილვა: 2009 წელს “ფლუმინენსედან” “მილანში” ათი მლნ. ევროს სანაცვლოდ გადავიდა;
ანდრეა ბარძალი: 2011 წელს”ვოლფსბურგიდან” ტურინის “იუვენტუსში” მხოლოდ 300 ათასი ევროს სანაცვლოდ გადავიდა;
ანტონიო კანდრევა: 2012 წელს “ჩეზენადან” “ლაციოში” უსასყიდლოდ გადაბარგდა;
მარიო ბალოტელი: 2013 წელს “მანჩესტერ სიტიდან” “მილანში” 20 მლნ. ევროს სანაცვლოდ გადავიდა;
რაჯა ნაინგოლანი: 2014 წელს “კალიარიდან” “რომაში” ცხრა მლნ. ევროს სანაცვლოდ გადავიდა.