იუბილარ ფაულერის ყველა დროის სიმბოლური გუნდი
დღეს “ლივერპულის” ლეგენდარული თავდამსხმელი რობი ფაულერი 40 წლის გახდა. EA Sports-მა მას ვიდეოთამაშ FIFA 15-ისთვის ყოფილი ფეხბურთელებისგან ყველა დროის საუკეთესო გუნდის შედგენა სთხოვა.
ფაულერმა სიმბოლურ ნაკრებში მხოლოდ ერთი ინგლისელი მოთამაშე — “მანჩესტერ იუნაიტედის” ყოფილი მცველი გარი ნევილი შეიყვანა. აღსანიშნავია, რომ ფაულერმა ნახევარდაცვის ხაზში სტივენ ჯერარდისთვის ადგილი ვერ გამონახა, მის ნაცვლად ლოთარ მათეუსი, პატრიკ ვიეირა და ლუიშ ფიგუ აარჩია.
მერსისაიდული გუნდის ყოფილმა ფორვარდმა არც წინა ხაზში აარჩია “ლივერპულის” ლეგენდარული თავდამსხმელები — იან რაში და კენი დალგლიში. მათ ნაცვლად ფაულერმა საკუთარ თავს მარკო ვან ბასტენი შეუწყვილა.
მეკარე: პიტერ შმეიხელი;
მცველები: პაოლო მალდინი, ფერნანდო იერო, ფაბიო კანავარო, რობერტო კარლოსი, გარი ნევილი, ფრანკ დე ბური;
ნახევარმცველები: ლოთარ მათეუსი, პატრიკ ვიეირა, ლუიშ ფიგუ;
თავდამსხმელები: რობი ფაულერი, მარკო ვან ბასტენი.
