იურგენ კლოპი: “ძალიან კმაყოფილები და ბედნიერები ვართ”
მერსესაიდულმა “ლივერპულმა” ჩემპიონთა ლიგის მეოთხედფინალური ეტაპის პირველ მატჩში “პორტუს” ორბურთიანი სხვაობით დამარცხება შეძლო (2-0) და ნახევარფინალისკენ დიდი ნაბიჯი გადადგა. მატჩის შემდეგ იურგენ კლოპმა ჟურნალისტებს ემოციები გაუზიარა.
“ძალიან კმაყოფილები და ბედნიერები ვართ. თუმცა ეს პირველი მატჩია და ვიცით, რომ განმეორებითი შეხვედრა გაცილებით უფრო რთული იქნება. ორი გოლი გავიტანეთ და უმეტესად ბურთსაც ჩვენ ვაკონტროლებდით.
ძალიან ბევრი საჯარიმო გავუშვით მაშინ, როდესაც “პორტუს” თავისი გოლების 40 პროცენტი სტანდარტულებიდან გააქვს. ერთი-ორი კონტრშეტევის მოგერიებაც მოგვეწია. სხვა ყველაფერი კი ჩვენი კარნახით მიდიოდა.
მეორე ნახევარში ცოტა არ იყოს, თამაში დავკარგეთ, მაგრამ გასაკრიტიკებელი არაფერია. 2-0 ძალიან, ძალიან კარგი შედეგია. ისღა დაგვრჩენია პორტუგალიაში წავიდეთ და ბოლომდე ვიბრძოლოთ,” – აცხადებს გერმანელი სპეციალისტი.
