იურგენ კლოპი: “ლივერპულის” მიზანი ზედა ოთხეულში მოხვედრაა”
“ლივერპულის” მთავარი მწვრთნელი იურგენ კლოპი მიიჩნევს, რომ ინგლისის პრემიერლიგის მიმდინარე გათამაშების ზედა ოთხეულში დასრულება მისი გუნდისთვის ფანტასტიური შედეგი იქნება.
“ჩემპიონთა ლიგის საგზური უნდა მოვიპოვოთ. მაქსიმალურად მაღალი ადგილი უნდა დავიკავოთ. მეორე, მესამე და მეოთხე პოზიციების დაკავების შესაძლებლობა გვაქვს და ეს ფანტასტიური სიტუაციაა. ეს ჩვენთვის საოცნებო შედეგი არ იქნება, მაგრამ ფანტასტიური რეზულტატის დარქმევა შეიძლება. სწორედ ამ მიზნის მიღწევისთვის ვმუშაობთ.
წელს პრემიერლიგის მოგების რეალური შანსი “მანჩესტერ სიტისა” და ალბათ, “მანჩესტერ იუნაიტედის” გარდა სხვა გუნდებს არ აქვთ. პრემიერლიგა ძალზედ რთული ჩემპიონატია.
სათამაშო თვალსაზრისით სტაბილურები ვართ. თუ სტაბილურობას შევინარჩუნებთ და შეცდომებს აღარ დავუშვებთ, ფრეზე და მარცხზე მეტი გამარჯვება გვექნება”, – განაცხადა კლოპმა.
შეგახსენებთ, რომ პრემიერლიგის 19 ტურის თავზე “ლივერპულს” სატურნირო ცხრილში მეოთხე პოზიცია უკავია.
