იურგენ კლოპი — მატჩამდე თქმული

ხვალ ჩემპიონთა ლიგის 2021-2022 წლების გათამაშების დასკვნითი მატჩია — “ლივერპული” მადრიდის “რეალის” წინააღმდეგ. მერსისაიდელთა მთავარმა მწვრთნელმა იურგენ კლოპმა მატჩისწინა პრესკონფერენცია გამართა და მოახლოებული შეხვედრის შესახებ ისაუბრა.

“გუნდში კარგი, ძალიან კარგი განწყობაა. ძალიან გვიხარია, რომ აქამდე მოვედით. ფაბინიოც და ტიაგო ალკანტარაც კარგად არიან. ფაბინიომ ჩვეულ რეჟიმში ივარჯიშა. ტიაგომ გუშინ ივარჯიშა და დღესაც ივარჯიშებს.

“რეალი” ევროპის ყველაზე ტიტულოვანი კლუბია. მეტოქე გუნდის რამდენიმე ფეხბურთელს ჩემპიონთა ლიგის მოგება უკვე მეხუთედ შეუძლია, მწვრთნელს კი – მეოთხედ. ამ გამოცდილებას ვერ იყიდი, თუმცა ბოლო ხუთი წლის განმავლობაში ფინალში მესამედ გავედით და ეს ძალიან კარგი ფაქტია.

მოჰამედ სალაჰისთვის განსაკუთრებული მატჩია. თითოეულ ჩვენგანს სხვადასხვა რაღაცები გვძენს მოტივაციას. ეს ნორმალურია. 2018 წლის ფინალი სალაჰისთვის ერთადერთი მოტივაცია არ არის. ნორმალურია ის, რომ მას ყველაფრის გამოსწორება უნდა.

სადიო მანე კარიერის საუკეთესო ფორმაშია. ვარჯიშებსა და მატჩებში მისი ცქერა ერთი სიამოვნებაა. ეს სეზონი მისთვის და მთლიანად ჩვენთვის ერთ-ერთი საუკეთესოა.

მგონია, რომ ნაბი კეიტაც კარიერის საუკეთესო მონაკვეთს ატარებს. მან სეზონი შესანიშნავად ჩაატარა და ჩვენი კლუბისთვის მნიშვნელოვან მოთამაშედ იქცა.

გამარჯვება დიდი მიღწევა იქნება. თუ ფეხბურთში ერკვევით, უნდა გესმოდეთ, რომ ჩვენ უკვე ბევრს მივაღწიეთ, რითაც ძალიან ვამაყობ.

არ ვიცი, რომელი გუნდია ფავორიტი. “რეალს” გამოცდილების ხარჯზე ფავორიტად დავასახელებდი, მაგრამ მინდა, რომ ჩვენც იმავე დონეზე ვიყოთ. როდესაც ჩვენი შესაძლებლობების ზღვარზე ვთამაშობთ, ჩვენ წინააღმდეგ თამაში ძალზედ რთულია. ყველაფერი უნდა გავავეკთო იმისთვის, რომ ჩემმა გუნდმა საუკეთესო თამაში აჩვენოს. ახლა სხვა არფერი მაღელვებს.

რასაც არ უნდა აკეთებდე, გამოცდილებას უნდა იძენდე. ახალ სამსახურში პირველი დღეები საუკეთესო არ ყოფილა. უნდა ისწავლო, როგორ მოიგო. ამის სწავლა რთული გზით მომიწია – ცხოვრებაში ბევრი ფინალი წავაგე.

ტაქტიკის მხრივ რაღაც მოულოდნელი რომ გავაკეთო, ჩემი ფეხბურთელები იფიქრებენ, რომ ვნერვიულობ. თუ ყველაფერს სწორად აკეთებ, ფინალშიც ანალოგიურად უნდა მოიქცე”, – ციტირებს კლოპის სიტყვებს უეფას ოფიციალური ვებგვერდი.

მატჩი “ლივერპულსა” და “რეალს” შორის შაბათს, თბილისის დროით 23:00 საათზე დაიწყება.