იურგენ კლოპი: “პარი სენ-ჟერმენთან” მატჩში მხოლოდ გამარჯვება დაგვაკმაყოფილებს”
ჩემპიონთა ლიგის 2018/19 წლების სეზონის ჯგუფური ეტაპის პირველ სუპერ-მატჩს “ენფილდი” უმასპინძლებს. ჩემპიონთა ლიგის გასული სეზონის ფინალისტი საკუთარ კედლებში “პარი სენ-ჟერმენს” მიიღებს. გთავაზობთ იურგენ კლოპის მატჩისწინა პრესკონფერენციას.
“ჩვენ ძალიან კარგად ვაცნობიერებთ, თუ რაოდენ ძლიერ მეტოქეს ვუპირისპირდებით, თუმცა ჩვენ მხოლოდ გამარჯვება გვინდა. “ენფილდზე” ვთამაშობთ, სადაც გულშემატკივრები უდიდეს მხარდაჭერას გვთავაზობენ, ეს უდიდესი უპირატესობაა.
ტომას ტუჰელი ძალიან ძლიერი სპეციალისტია. ვფიქრობ, “პარი სენ-ჟერმენის” მხრიდან მისი მთავარი მწვრთნელის პოსტზე დანიშვნა ჭკვიანური გადაწყვეტილება იყო. ასეთი გუნდის, ინდივიდუალისტი ფეხბურთელების ფონზე, წარმატებისთვის მხოლოდ გამოცდილი მწვრთნელია საჭირო. ის ერთ-ერთი საუკეთესოა მსოფლიოში.
თუ რობერტო ფირმინო ხვალისთვის მზად იქნება, ითამაშებს. ამ დროისთვის ზუსტად ვერაფერს ვიტყვი,” – აცხადებს “წითლების” გერმანელი დამრიგებელი.
