იურგენ კლოპმა ალისონის შეცდომაზე ისაუბრა

მერსესაიდულმა “ლივერპულმა” პრემიერ ლიგის მეოთხე ტურში “ლესტერ სიტი” დაამარცხა (2-1). მატჩში “ლესტერ სიტის” ფეხბურთელებმა ერთადერთი გოლი ალისონ ბეკერის შეცდომის წყალობით გაიტანეს. მატჩის შემდეგ ამ მომენტზე იურგენ კლოპმა ისაუბრა.

“ყველამ უნდა ვისწავლოთ ამ მომენტისგან, არა მხოლოდ ალისონმა. არ შეიძლება ზედმეტად დარწმუნებული იყო შენს თავში. გასულ კვირას ნათლად ჩანდა, რომ ერთ დღეს ასეთი რამ მოხდებოდა. მას ვუთხარი, რომ ეს მსგავსი შეცდომის დასაშვებად საუკეთესო თამაში იყო, რადგანაც მოვიგეთ,” – აცხადებს გერმანელი სპეციალისტი.

თავად ალისონი კი ამ შეცდომამ ძალიან გააბრაზა: “ძალიან გავბრაზდი ასთი შეცდომა რომ დავუშვი და გუნდი რთულ სიტუაციაში ჩავაგდე. ცუდია, როდესაც ერთი ფეხბურთელი მთელ გუნდს უკან ხევს, თუმცა მთავარია, რომ გავიმარჯვეთ.

სიტუაცია სწორად ვერ წავიკითხე, თუმცა არც პასი იყო იდეალური. ამაზე გასახდელში ვისაუბრე და ვირჯილს ვუთხარი, რომ ცუდი პასი იყო, მაგრამ მაინც შეიძლებოდა შორს დამერტყა.”