იურგენ კლოპმა “ჩელსის” დამარცხების შემდეგ ჩემპიონობის შანსებზე ისაუბრა
მერსესაიდულმა “ლივერპულმა” პრემიერ ლიგის 34-ე ტურში უმნიშვნელოვანესი გამარჯვება მოიპოვა ლონდონის “ჩელსისთან” მატჩში, რითიც “მანჩესტერ სიტიზე” ზეწოლა გააძლიერა. გთავაზობთ იურგენ კლოპის მატჩისშემდეგ ინტერვიუს.
“ჩემი გუნდით ძალიან ვამაყობ, ფანტასტიკურად ითამაშეს. საოცარი გუნდი, საოცარი სტადიონი და ატმოსფერო. მადლობელი ვარ ამ ყველაფრისთვის, დიდებული იყო.
ისღა დამრჩენია, ბიჭებს კარგი შესრულებისთვის შევაქო. ახლა კი დროა, “პორტუსთან” გასამართ განმეორებით მატჩზე ვიფიქროთ, შემდეგ კი “კარდიფზე”.
რაც შეეხება, ტიტულისთვის ბრძოლას, პირველი კითხვა დღევანდელ შეხვედრაზე ასეთი იყო – “რა ანგარიშით დასრულდა “სიტის” მატჩი?”. ამას ვერ გავექცევით, თუმცა ჩვენ ეს ნაკლებად გვაინტერესებს.
“სიტი” უძლიერესი ფეხბურთელებით არის დაკომპლექტებული და მათგან ყველა დარჩენილი მატჩის მოგებას ველით. ჩვენ ჩვენი საქმე უნდა ვაკეთოთ და რაც შეიძლება მეტი ქულა ავიღოთ,” – აცხადებს გერმანელი სპეციალისტი.
