“იუვენტუსი” სუარესს სარფიან გარიგებას სთავაზობს

ლუის სუარესი ერთ-ერთია “ბარსელონას” იმ ფეხბურთელებს შორის, რომლებსაც კლუბის ხელმძღვანელებმა წასვლა მოსთხოვეს. TuttoMercatoWeb-ის ცნობით, ურუგვაელმა ვარსკვლავმა უკვე იპოვა ახალი თავშესაფარი.

როგორც ცნობილი ხდება, 33 წლის სუარესის ტრანსფერზე ტურინის “იუვენტუსი” მუშაობს. “ბებერი ქალბატონი” გამოცდილ შემტევს ორწლიან კონტრაქტს სთავაზობს და ამ დროის მანძილზე ლუისი 6 მილიონ ევროს გამოიმუშავებს.

სუარესი “ლურჯ-ბროწეულისფერთა” ღირსებას 2014 წლიდან იცავს. ივლისის დასაწყისში ამ უკანასკნელმა კლუბის მაისურით 195-ე გოლის გტანა შეძლო – ამ შედეგით ის კლუბის ყველა დროის საუკეთესო ბომბარდირთა სიაში მესამე პოზიციას იკავებს.

მიმდინარე სეზონში სუარესმა 28 მატჩში მიიღო მონაწილეობა, გაიტანა 16 გოლი და გააკეთა 8 საგოლე გადაცეამ.