“იუვენტუსის” ფეხბურთელი 12 წლის “ნაპოლის” ფანს: “ახლა სახლში დედაშენთან ერთად ვარ”

ტურინის “იუვენტუსის” ფეხბურთელმა, სტეფანო სტურარომ “ნაპოლის” 12 წლის ფანს ბოდიში მოუხადა.

რამდენიმე დღის წინ “ნაპოლის” პატარა გულშემატკივარმა სტურაროს სოციალურ ქსელ Instagram-ში გამაღიზიანებელი კომენტარები დაუწერა. როგორც ჩანს, 24 წლის ნახევარმცველმა ნერვები ვერ მოთოკა და მას უხეშად უპასუხა.

“დაწყნარდი, თორემ ისე შეგარცხვენ, რომ სამი დღის განმავლობაში იტირებ. წადი, პოკემონებით ითამაშე და შემეშვი. ახლა დედაშენთან ერთად სახლში ვარ”, – ციტირებს სტურაროს სიტყვებს Football Italia.

მოგვიანებით, იტალიელმა ფეხბურთელმა სოციალურ ქსელში განცხადება გამოაქვეყნა და ბოდიში მოიხადა: “ხშირად, ფეხბურთელებს სოციალურ ქსელში შეურაცყოფას გვაყენებენ. ჩვენ მათ ყურადღება არ უნდა მივაქციოთ, მაგრამ ზოგჯერ თავის შეკავება რთულია. ყველას, ვისაც ვაწყენინე, ბოდიშს ვუხდი.”

A post shared by Stefano Sturaro (@stefano_sturaro27) on Dec 13, 2017 at 8:18am PST