“იუვენტუსმა” და “მილანმა” ნამდვილი საფეხბურთო სპექტაკლი დადგეს (ვიდეო)

იტალიის სერია ა-ს 30-ე ტურში “იუვენტუსის” საფეხბურთო არენაზე შეკრებილმა გულშემატკივარმა ნამდვილი “იტალიური კლასიკა” იხილა, ის, რის გამოც ასე ძალიან გვიყვარს ფეხბურთი.

პრინციპულ დაპირისპირებაში ანგარიში “ბებერი ქალბატონის” მთავარმა იმედმა, პაულო დიბალამ გახსნა (8′), რაშიც მას მირალემ პიანიჩის საგოლე პასი დაეხმარა. გაშვებული გოლის შემდეგ “როსონერიმ” ძალების მობილიზება მოახდინა და ანგარიშის გათანაბრებაც შეძლო – 28-ე წუთზე ლეონარდო ბონუჩიმ თავის ყოფილ გუნდს გაუტანა და გატანილი გოლი აღნიშნა კიდეც.

შეხვედრის მეორე ნახევარიც გარდამავალი უპირატესობით წარიმართა. უნდა აღინიშნოს, რომ ჯენარო გატუზოს ბიჭები ღირსეულად ებრძოდნენ მეტოქეს, თუმცა ამ შემთხვევაში უფრო ზუსტი “იუვენტუსის” დარტყმები აღმოჩნდა – კუადრადომ ხედირას პასით გაიტანა (79), ხოლო ხედირამ დიბალას გადაცემით (87′).

“იუვენტუსი”: ბუფონი; კიელინი, ბენატია, ბარძალი; ასამოა, მატუიდი (კუადრადო 61′), პიანიჩი (ბენტანკური 76′), ხედირა, დუგლას კოშტა; დიბალა, იგუაინი

მთავარი მწვრთნელი: მასიმილიანო ალეგრი

“მილანი”: დონარუმა; კალაბრია, ბონუჩი, რომანიოლი, როდრიგესი; კესიე, ბილია (მონტოლივო 76′), ბონავენტურა; სუსო, ანდრე სილვა (კალინიჩი 65′), ჩალჰანოღლუ (კუტრონე 81′)

მთავარი მწვრთნელი: ჯენარო გატუზო