“იუვენტუსმა” შტეფან ლიხტშტაინერი ჩემპიონთა ლიგაზე გუნდის განაცხადში არ შეიყვანა

ტურინის “იუვენტუსმა” ჩემპიონთა ლიგაზე გუნდის განაცხადში შტეფან ლიხტშტაინერი არ შეიყვანა.

“ბებერმა სინიორამ” უკვე გამოაქვეყნა გუნდის იმ ფეხბურთელთა სია, რომლებსაც ევროპის ყველაზე პრესტიჟულ საკლუბო ტურნირზე თამაშის უფლება ექნებათ, თუმცა განაცხადში შვეიცარიელი მცველი არ გახლავთ.

როგორც მოგეხსენებათ, შტეფან ლიხტშტაინერი მილანის “ინტერში” გადასვლასთან ახლოს იყო, მაგრამ ტურინელებმა ფეხბურთელი გუნდიდან არ გაუშვეს. გავრცელებული ინგორმაციით, შვეიცარიელ მცველსა და “ნერიაძურის” შორის პირადი კონტრაქტიც კი იყო გაფორმებული.

იტალიის სერია A-ს გასულ სეზონში შტეფან ლიხტშტაინერმა 26 მატჩი ჩაატარა, ხოლო ჩემპიონთა ლიგაზე ექვს შეხვედრაში მიიღო მონაწილეობა.

შეგახსენებთ, რომ ჩემპიონთა ლიგის ჯგუფურ ეტაპზე “იუვენტუსის” მეტოქეები ზაგრების “დინამო”, “ლიონი” და “სევილია” იქნებიან.