ჯეიმს მილნერმა კიდევ ერთხელ დაამტკიცა, რომ ის ნამდვილი მანქანაა (ვიდეო)

შაბათს, 6 ივლისს, ერთთვიანი პაუზის შემდეგ, “ლივერპულის” ფეხბურთელთა ნაწილმა კლუბის ბაზაზე ვარჯიში განაახლა. გუნდთან ერთად არ ყოფილან მოჰამედ სალაჰი, რობერტო ფირმინო და სადიო მანე, რომლებიც თავიანთ ნაკრებებს ეხმარებიან.

იურგენ კლოპმა ფეხბურთელებისათვის გამძლეობის ტესტის ჩატარება გადაწყვიტა. მოულოდნელობა არაა, მაგრამ მაინც აღსანიშნავია, რომ 33 წლის ჯეიმს მილნერმა ყველა თანაგუნდელს აჯობა.

მოთამაშეებს მოედნისათვის წრეები უნდა დაერტყათ, დავალება კი ბოლომდე მხოლოდ მილნერმა შეასრულა. ბოლო წრემდე მისვლა მხოლოდ მან და ჯო გომესმა შეძლეს, ეს უკანასკნელი კი ფინიშის ხაზამდე დანებდა და სირბილი შეწყვიტა.

Final lap of the gruelling lactate test 👟👟👟@JamesMilner 🆚 @J_Gomez97

— Liverpool FC (@LFC) July 6, 2019