ჯერარდი: “ევრო-2016-ზე მიღებული ტკივილი ინგლისის ნაკრებს წინსვლაში დაეხმარება”

“ლოს ანჯელეს გალაქსის” მოქმედი ნახევარმცველი და ინგლისის ნაკრების ყოფილი კაპიტანი სტივენ ჯერარდი ოპტიმისტურადაა განწყობილი და ამბობს, რომ 2016 წლის ევროპის ჩემპიონატზე განცდილი კრახის შემდეგ ეროვნულ გუნდში სიტუაცია გამოსწორდება.

“ის ტკივილი, რომელიც ინგლისელმა ფეხბურთელებმა ევრო-2016-ზე მიიღეს, მათ წინსვლაში დაეხმარება, ვინაიდან აღარ ენდომებათ ამ განცდის კიდევ ერთხელ დაუფლება. ახალი სამწვრთნელო შტაბი სწორად იმუშავებს. ინგლისის ნაკრების ქომაგები კვლავ გაიღიმებენ და ამას დიდი დრო არ დასჭირდება”, – ციტირებს ჯერარდის სიტყვებს “ბიბისი”.