ჯერარდი: “ცრემლები ღვარად მდიოდა და თითქოს, თვითმკვლელობასაც ვაპირებდი”
“ლივერპულის” ყოფილმა კაპიტანმა სტივენ ჯერარდმა ინგლისის პრემიერლიგის 2013/14 წლების სეზონში ლონდონის “ჩელსის” წინააღმდეგ გამართულ მატჩში დაშვებული შეცდომა გაიხსენა, რომლის შედეგადაც მერსისაიდულმა გუნდმა ჩემპიონობის შანსი დაკარგა.
“მატჩის შემდეგ ავტომობილის უკანა სავარძელზე ვიჯექი, სახეზე ცრემლები ღვარად მდიოდა. წლებია, არ მიტირია, თუმცა მაშინ თავი ვერ შევიკავე. ისე ვიყავი ჩემ თავში ჩაკეტილი, რომ ვერ გეტყვით, ქუჩა სავსე იყო თუ ცარიელი. ვკვდებოდი.
ისეთი გრძნობა მქონდა, თითქოს ოჯახის წევრი დავკარგე. ამდენი ხანი ვოცნებობდი “ლივერპულთან” ერთად ჩემპიონატის მოგებაზე და ეს ოცნება ჩემ გამო ჩაიშალა.
იმ დღეს მთელი სტადიონი მღეროდა “You’ll Never Walk Alone”-ს (“ლივერპულის” ჰიმნი), თუმცა ავტომობილში ყოფნისას თავს მარტოსულად ვგრძნობდი. იმედი გამიქრა და თითქოს, თვითმკვლელობასაც ვაპირებდი”, – ჯერარდის სიტყვები “დეილი მეილმა” გამოაქვეყნა.
