ჯონ ტერიმ სერიოზული ტრავმა მიიღო

“ასტონ ვილას” მთავარმა მწვრთნელმა სტივ ბრიუსმა გუნდის ქომაგებს უსიამოვნო ამბავი ამცნო. მისი თქმით, ჯონ ტერიმ სერიოზული ტრავმა მიიღო. როგორც ირკვევა, ინგლისის ჩემპიონშიფის მე-16 ტურში “შეფილდ უენსდეის” წინააღმდეგ გამართულ მატჩში ტერიმ წინატერფის ძვალი გაიტეხა.

“ტერი, სავარაუდოდ, დიდი ხნით გამოგვაკლდება. ჯონის წინატერფის ძვლის მოტეხილობა აღენიშნება. უახლოესი საათების განმავლობაში გაირკვევა, რამდენად სერიოზულია ტრავმა”, – ციტირებს სტივ ბრიუსის სიტყვებს კლუბის ოფიციალური ვებგვერდი.

შეგახსენებთ, რომ ჯონ ტერი “ასტონ ვილაში” მიმდინარე წლის ზაფხულში გადავიდა.