ჯორჯო კიელინიმ მსოფლიოს საუკეთესო მცველი დაასახელა

ტურინის “იუვენტუსის” მცველმა ჯორჯო კიელინიმ საკუთარ პოზიციაზე მოთამაშე ფეხბურთელებიდან საუკეთესოდ მადრიდის “რეალის” ცენტრბექი სერხიო რამოსი დაასახელა.

“გასულ წელსაც ვთქვი და ახლაც გავიმეორებ, რომ სერხიო რამოსი მსოფლიოს საუკეთესო მცველია. ყველაფერთან ერთად ის კარგი პენალტისტიც გახდა. სერხიო თითქმის არასდროს ცდება და თუ ცდება, ესე იგი მანამდე მოხდა რაღაც.

ის ლიდერია როგორც მოედანზე, ასევე მინდორს მიღმა. რამოსს ორივე გუნდის ფეხბურთელებზე შეუძლია ზეგავლენის მოხდენა. ის თანაგუნდელებს ძალების მაქსიმალურად დახარჯვას აიძულებს. სწორედ ეს განასხვავებს ერთმანეთისგან კარგ ფეხბურთელსა და ჩემპიონს. რამოსი საუკეთესოა”, – ციტირებს კიელინის სიტყვებს “მარკა”.