კახა დევდარიანი:”სანამ მედროვეები არ წავლენ ასპარეზიდან, მათ წამქეზებელ ბატონ ზვიად სიჭინავასთან ერთად, ფუტსალს არაფერი ეშველება”

თარიღი: თებერვალი 6, 2014

ფუტსალის სამყაროში არსებულ დაპირისპირებაზე ჩვენი საიტის მკითხველმა უკვე კარგად იცის. არსებულ პრობლემაზე საკუთარი გულისტკივილი, ასოციაციის დამფუძნებელმა და საპატიო პრეზიდენტმა კახა დევდარიანმა გაგვიზიარა.

ბატონო კახა, რით ახსნით არსებულ კონფლიქტს?

თანამდებობაზე დანიშვნისთანავე ზვიად სიჭინავამ შეგვიჩერა რიგით მე–17 ჩემპიონატი. არჩევნების გამართვის საშუალება არ მომცა, მკაფიოდ მითხრა, რომ ის არ აპირებდა ფუტსალის დაფინანსებას . ჩემთვის გასაგები იყო , რომ ნაციონალურ მოძრაობას არ აწყობდა მათდამი ნეგატიურად განწყობილი პიროვნების არსებობა შევაფასე რა სიტუაცია მივიღე პრეზიდენტობიდან ნებაყოფლობით გადადგომის გადაწყვეტილება , სიჭინავას ვთხოვე შეენარჩუნებინა ჩემს მიერ წლების მანძილზე ჩამოყალიბებული თანამშრომელთა გუნდი, მოლაპარაკებების შემდეგ რუსთავი –2ის ეთერში მან ბრეჟნევს შემადარა , თითქოს მე ვიყავი პიროვნება, რომელიც ებღაუჭებოდა თანამდებობას და არ უნდოდა სკამის დათმობა .

სიჭინავას ამ განცხადების გაკეთება რატომ დასჭირდა?

მე არ ვიცი, რაში დასჭირდა მას აღნიშნული განცხადების გაკეთება. ამის მერე მან შეგვიჩერა უფლებამოსილება და დაწყებული მე – 17 ეროვნული ჩემპიონატიც, რომელშიც საქართველოს სხვადასხვა რეგიონებიდან 16 გუნდი მონაწილეობდა , შემდეგ კი ძალადობრივი გზით ჩამოაყალიბა კომიტეტი რომელსაც ფუტსალის სამყაროსთვის სრულიად უცნობი – გიორგი დარჯანია ხელმძღვანელობდა . ჩემთვის აუხსნელი იყო მაშინ, რომ ათი გუნდის ნაცვლად ჩემპიონატი ექვსმა გუნდმა განაგრძო მალევე გავაცნობიერე რომ ამ ყველაფრის სათავეში სიჭინავასთან ერთად რეალურად ჩართული იყო ვახტანგ წერეთელი და ნაც.მოძრაობის ზონდერები. მათ მიერ შეიქმნა უკანონო ყრილობა 22–ი კაცის შემადგენლობით , რომელთა იურიდიული სტატუსი ამჟამადაც არ დასტურდება, ამ ხალხმა ურჩია და შემდეგ ყოველგვარი კანონიერების დაცვის გარეშე გადაირჩია ლევან ცქიტიშვილი. ყველა ჩემს შემდგომი პრეზიდენტის დანიშვნა და მოხსნა ამ ოცდაორი ადამიანისგან იმართებოდა . მათთვის არაფერს წარმოადგენდა პიროვნული ღირსების გათელვა . 1992 წლიდან ასოციაციის დაარსების დღიდან ვარ მისი უცვლელი წევრი და მომსწრე მინი ფეხბურთისა და ფუტსალის მრავალივარსკვლავის უანგარო მოღვაწეობის მათი საქმიანობის დავიწყება მინიმუმ უზნეობა ან მიზანმიმართული ქმედება, რათა წაიშალოს ქართული ფუტსალის ნამდვილი ისტორია. რაც შეეხება “იბერია სტარს”, 2001 წელს ქვეყნის მრავალგზის ჩემპიონი ბაღდათის “ბაასი” დაიშალა და “იბერიად” გადაკეთდა.

„ბაასზე“ უფრო დაწვრილებით რომ გვიამბოთ

მაშინ კლუბში მხოლოდ ქართველი ფეხბურთელები თამაშობდნენ . ხშირად ავტომატიანი გულშემატკივრის დაშოშმინებაც გვიწევდა , მაგრამ ჩვენს ურთიერთობებს უზნეო სახე არ მიუღია. გვქონდა ძალიან წარმატებული გამოსვლა იტალიაში ეროვნული ნაკრების 1998წ შემდეგ წლებში ქარიშხალაში საფრანგეთისა და ინგლისის ნაკრებებიც დავამარცხეთ და პირველ ოფიციალური შესარჩევ ციკლშიც ჩაერთო ახალგაზრდული ნაკრები . წარმატებით გავიარეთ ავთანდილ ასათიანისა და ბესო არველაძის ხელმძღვანელობით ბოლო ორი შესარჩევი ციკლი.

აი, ასეთი წარსულის მქონე ასოციაცია დაშალა ბატონმა ზვიად სიჭინავამ. როგორც ჩანს, მათთვის საჭირო იყო ავტორიტეტების და ტრადიციების განადგურება, დაიწყო ჩვენი ეროვნული ნაკრების ლანძღვა , გამოჩნდნენ დაქირავებული ახალგაზრდები, ეს ის ხალხია ვინც მერაბიშვილის ნაირებს იცავდნენ გააფთრებით. მათ არასდროს არ ამოუღიათ ხმა იმ სისასტიკეზე , რაც ბოლო ცხრა წლის განმავლობაში ხდებოდა საქართველოში. დღეს ცდილობენ ფერი იცვალონ და თავი “ქართულ ოცნებას ” შეაფარონ. სიმართლე აუცილებლად გაიმარჯვებს და ამ ანგარიებიანი , ფულის გამოდევნებულ მედროვეებს საკადრისი პასუხი გაეცემათ . სხვა ბანაკში აღმოჩნდნენ მეგობრები, რომელთაც საკუთარ ლუკმას ვუყოფდი მთელი ცხოვრება ჩვენ უფულოდ უფრო ვაკეთებდით, სიყვარულით და თავგანწირვით, სწორედ ეს აღიზიანებდათ. ვიცი, არ სიამოვნებდათ, რომ ფუტსალს ” ქარიშხალას” სახით საკუტარი ბაზაც გააჩნდა. ბაზა, სადაც ყველა ასაკობრივი გუნდი ვარჯიშობდა. ყოველდღიურად 7–8 საათი ეთმობოდა ფუტსალს ყოველგვარი გადასახადის გარეშე. ამ ადამიანებმა მხარი არ დამიჭირეს ბაზის შენარჩუნებისთვის ბრძოლისას და პირიქით , დასცინოდნენ ჩემს ამ თავდადებას. “იბერია სტარი” კატეგორიულად უკრძალავდა თავის ფეხბურთელებს ეროვნულ ნაკრებში თამაშს, რასაც ფეხბურთელები პირად საუბარში მიდასტურებდნენ. ახლა როგორ დავიჯერო, რომ მათ წუხილი ქართული ფუტსალისა ან ზოგადად ფეხბურთის მომავალზე გულწრფელია? სწორედ ეს ხალხი ლანძღავდა და ლანძღავს ბატონ ლ. ცქიტიშვილს.

გამოსავალს რაში ხედავთ?

სანამ ასეთი მედროვეები არ წავლენ ასპარეზიდან, მათ წამქეზებელ ბატონ ზვიად სიჭინავასთან ერთად, ფუტსალს არაფერი ეშველება. .

სამწუხაროა, რომ დღეს ზოგიერთები ცდილობენ იმ კეთილი ისტორიის წაშლას , რომელსაც ჩვენ ყველანი ერთად საკუთარი ხელით ვქმნიდით უანგაროდ . ამას მხოლოდ იმიტომ სჩადიან , რომ აამონ მათ დღევანდელი მამამარჩენალს რაც შეეხება თბილისში ჩატარებულ ოთხთა ფინალს არ ვაკნინებ და ძალიან დიდ წარმატებად ვთვლი ქართული სპორტისთვის, თუმცა ამ დანახარჯით, ჩემი აზრით, გაცილებით მეტი სიკეთის გაკეთება შეიძლებოდა ქართული ფუტსალისთვის . არასწორი ხელმძღვანელობის გამო ბრაზილიელებიც ცუდი ქართული გუნდივით იცავდნენ თავს. არსებული სკოლა დამიშალეს, არავინ მხარში არ დამიდგა . არც სახელმწიფო, ვატყობ, არც ახლა არავინ იკლავს თავს სამართლიანობის აღდგენისთვის . მათ არ აინტერესებთ არც დიცი, არც გორი, არც აჭარა და არც ქუთაისი. მე კასეტაზე ჩაწერილი უკეთესი თამაშებიც მინახავს.

მსგავსი სიახლეები