კახა გოგიჩაიშვილი: “მომდევნო ეტაპზე დამსახურებულად გავედით”

“დინამო” – “შუქურას” დასრულების შემდეგ ჟურნალისტების კითხვებს გუნდების მთავარმა მწვრთნელებმა, კახა გოგიჩაიშვილმა და კონსტანტინ ფროლოვმა უპასუხეს.

კონსტანტინ ფროლოვი (შუქურა): “სამწუხაროდ ბოლო წუთებზე ვეღარ გავუძელით მეტოქეს. „დინამოს“ მოთამაშეები ინდიციდუალურად უფრო კარგად არიან მომზადებულები, რაც საბოლოოდ შედეგზეც აისახა. ცოტა დაგვაკლდა.”

კახა გოგიჩაიშვილი (დინამო): “რთული თამაში გამოვიდა. პირველი მატჩიდან გამომდინარე ვიცოდით, რომ „შუქურა“ დაცვიდან ითამაშებდა. სამწუხაროდ, პირველ ტაიმში მომენტები ვერ შევქმენით, მეორე ნახევარში კი გოლიც გავუშვით. თუმცა, საბოლოოდ შეხვედრის მსვლელობაში გარდატეხის შეტანა შევძელით და მომდევნო ეტაპზე დამსახურებულად გავედით. ვულოცავ ფეხბურთელებს და დინამოს ყველა გულშემეატკივარს.”