კახა ცხადაძე: “ტორპედო” სერიოზული გუნდია და მას პატივს ვცემთ”
ევროპის ლიგის პირველ საკვალიფიკაციო ეტაპზე ქუთაისის “ტორპედოს” მეტოქე შიმკენტის “ორდაბასი” იქნება, რომელსაც ქართველი სპეციალისტი კახა ცხადაძე თავკაცობს. ცხადაძემ დამდეგი დაპირისპირების შესახებ ისაუბრა.
“ვიცით, რომ ქუთაისის “ტორპედომ” უკანასკნელი სამი წლის განმავლობაში ეროვნულ დონეზე ყველა ტიტული მოიგო. სერიოზული გუნდია და პატივს ვცემთ მეტოქეს, რომელსაც ახალგაზრდა და კარგი მწვრთნელი ხელმძღვანელობს. “ტორპედომ” საქართველოს ჩემპიონატი, თასი და სუპერთასი მოიგო, გასულ სეზონი კი მეორე ადგილზე დაასრულა.
“ტორპედო” სერიოზული გუნდია, რომელსაც, კიდევ ერთხელ ვიმეორებ, პატივისცემით ვუყურებთ. მიუხედავად ამისა, ჯერ ამ დაპირისპირებაზე არ ვფიქრობთ, ვინაიდან სერიოზული მატჩები გვაქვს, თითოეულ შეხვედრას უდიდესი მნიშვნელობა აქვს და მხოლოდ მოგვიანებით დავიწყებთ ევროპის ლიგაზე ჩვენი მეტოქის შესწავლას”, – ციტირებს ცხადაძის სიტყვებს Goalkz.kz.
