კამორანეზი კარიერას სეზონის ბოლოს დაასრულებს
![](https://fanebi.com/wp-content/uploads/2014/02/Mauro-Camoranesi.jpg)
ტურინის „იუვენტუსისა“ და იტალიის ეროვნული ნაკრების ყოფილმა ნახევარმცველმა მაურო კამორანეზიმ, რომელიც ამჟამად აველიანედას „რასინგის“ ღირსებას იცავს, მოთამაშის კარიერას მიმდინარე სეზონის შემდეგ დაასრულებს.
„საწყენია, რომ ბევრს ვერ ვვარჯიშობ. მე იმ ფეხბურთელთა შორის ვარ, რომლებსაც თამაში ყოველთვის სურთ, თუმცა ამის შესაძლებლობა არ მაქვს“, – განაცხადა მაურომ.
„კარიერას ივნისში დავასრულებ. მომავალში მწვრთნელად მუშაობის სურვილი მაქვს, ამიტომაც მოუთმენლად ველი იმ მომენტს, როდესაც პრაქტიკის მიღებას დავიწყებ. რაც შეეხება ადამიანს, რომლისგანაც ამ სფეროში მაგალითს ავიღებ, ეს მარჩელო ლიპია“.
ალექსანდრე მატევოსოვი