კანავარო: “სირცხვილია, რომ ზიდანის კარიერის ბოლო მატჩში ასეთი რამ მოხდა”

თარიღი: მაისი 12, 2020

იტალიის ნაკრების ყოფილმა კაპიტანმა, ფაბიო კანავარომ 2006 წლის მსოფლიო ჩემპიონატის ფინალში, ზინედინ ზიდანსა და მარკო მატერაცის შორის მომხდარი ინციდენტი კიდევ ერთხელ გაიხსენა.

კანავარო მიიჩნევს, რომ ზიდანმა შეცდომა დაუშვა და მისი ფეხბურთიდან ასე წასვლა, სამარცხვინოა.

“მე ზიდანის მიმართ უდიდესი პატივისცემა გამაჩნია, მაგრამ ვფიქრობ, რომ იმ მომენტში მან დიდი შეცდომა დაუშვა. სირცხვილია, რომ მისი კარიერის ბოლო მატჩში ასეთი რამ მოხდა. ფეხბურთელები მოედანზე იმას ამბობენ, რაც სურთ და ეს ყველაფერი მოედანზევე უნდა დარჩეს. მხოლოდ მატერაცი არ შემცდარა, ორივე შეცდა. კვლავაც მახსოვს მაშინდელი ხმა”, – ციტირებს კანავაროს სიტყვებს “ასი”.



მსგავსი სიახლეები