კარაგერი: “სულშერი პრემიერ ლიგას ან ჩემპიონთა ლიგას ვერ მოიგებს, ის უნდა შეცვალონ”
მერსესაიდული “ლივერპულის” ყოფილი ვარსკვლავი, ჯეიმი კარაგერი, თვლის, რომ “მანჩესტერ იუნაიტედმა” მთავარი მწვრთნელი უნდა შეცვალოს. კარაგერის აზრით, ოლე გუნარ სულშერი “ოლდ ტრაფორდელების” ამბიციებს ვერ დააკმაყოფილებს.
“როგორია სულშერის სტილი? როგორ ფეხბურთს თამაშობს? ის მუდმივად ლაპარაკობს “მანჩესტერ იუნაიტედის” წარსულ დიდებაზე, კონტრშეტევებზე, ბრწყინვალე გოლებზე. მაგრამ ახლანდელ გუნდს განმასხვავებელი არაფერი აქვს.
“მანჩესტერ იუნაიტედში” სულშერმა ძალიან კარგად იმუშავა. მან ეს პოსტი სკანდინავიაში გამოცდილების მიღებისა და “კარდიფში” გატარებული ერთი წლის შემდეგ ჩაიბარა.
სულშერი პრემიერ ლიგას ან ჩემპიონთა ლიგას ვერ მოიგებს. ის კლოპის, ტუხელის ან გვარდიოლის დონის მწვრთნელი არ არის. მათ მრავალწლიანი გამოცდილება აქვთ, ოლეს კი მსგავსი არაფერი გააჩნია. მას თავადაც ესმის, რომ მათი შესადარი არ არის,” – აცხადებს კარაგერი.
