კასანო: “დაუჯერებელია, მაგრამ პოჩეტინო ფეხბურთელებს ეკითხება აზრს ტაქტიკაზე”

თარიღი: ოქტომბერი 5, 2021

იტალიის საფეხბურთო ნაკრების ყოფილმა წევრმა, ანტონიო კასანომ, პრესასთან საუბრისას “პარი სენ-ჟერმენში” მაურისიო პოჩეტინოს მუშაობა საჯაროდ გააკრიტიკა.

“პოჩეტინოს კარიერა “პარი სენ-ჟერმენში” ხანმოკლე იქნება. მასზე ძალიან ცუდად საუბრობენ, ცუდი პრესა აქვს.

ისინი ამბობენ, რომ პოჩეტინო შესანიშნავი პიროვნებაა, მაგრამ, როგორც მწვრთნელი… ტაქტიკურ გაკვეთილებში წუთსაც არ ხარჯავენ, გუნდს კი ეს ყველაზე მეტად სჭირდება. დაუჯერებელია, მაგრამ ის ფეხბურთელებს ეკითხება აზრს ტაქტიკასთან დაკავშირებით.

მას ჩემპიონები აქამდე არასდროს გაუწვრთნია და ბუნებრივია, რომ უჭირს. ყველაფერი ასე თუ გაგრძელდება, მას მალევე გაუშვებენ. ზიდანის სახელი არ დაივიწყოთ,” – აცხადებს კასანო.



მსგავსი სიახლეები