კავანი არ დატოვებს “პსჟ”-ს “მანჩესტერ იუნაიტედისთვის”

“პარის სენტ-ჟერმენის” მფლობელმა, ნასერ ალ-ჰელაიფიმ უარყო ჭორები ედინსონ კავანის შესაძლო ტრანსფერის შესახებ.

ცოტა ხნის წინ, პრესა აქტიურად სპეკულირებდა ურუგვაელი შემტევის კლუბის გამოცვლის შესახებ. მიმდინარე სეზონში, ედინსონზე კრიტიკა უფრო მეტია, ვიდრე სადიდებელი სიტყვები. ფეხბურთელმა 29 მატჩში 10 გოლის გატანა შეძლო.

ყველაზე ხშირად კავანის “მანჩესტერ იუნაიტედს” უკავშირებენ, რომელსაც რობინ ვან პერსის შემცვლელად მოისაზრებენ. თუმცა, ფრანგთა მფლობელმა ნასერ ალ-ჰელაიფიმ უარყო გავრცელებული ინფორმაციები.

“ედინსონი გუნდში იგივე პრიორიტეტითაა, როგორც სხვები. ის აქ თავს კარგად გრძნობს და ტრანსფერზე საუბარს აზრი არ აქვს. პარიზს უყვარს ის და მას უყვარს პარიზი,”-განაცხადა ჰელაიფიმ.