კაზემირო: “პოგბას, ნეიმარსა და აზარს “რეალში” დიდი სიამოვნებით მივიღებთ”
მადრიდის “რეალის” ბრაზილიელმა ნახევარმცველმა, კაზემირომ “ბლანკოსის” სატრანსფერო მიზნებზე დასმულ კითხვებს საკმაოდ საინტერესო პასუხები გასცა და აღნიშნა, რომ “რეალში” საუკეთესო ფეხბურთელების ხილვა სურს.
“ყოველთვის ვამბობდი და ახლაც ვიმეორებ, რომ “რეალში” საუკეთესო ფეხბურთელები უნდა თამაშობდნენ, რამდენადაც საქმე მსოფლიოს საუკეთესო კლუბთან გვაქვს.
თუმცა, ეს ჩემი განსახილველი ნამდვილად არ არის. პრეზიდენტმა და ხელმძღვანელებმა ყველაფერი იციან და ჩემზე უკეთ არიან მომზადებულნი. ისინი თავიანთი საქმის პროფესიონალები არიან.
პოგბა და აზარი? ორივე მათგანი ძალიან კარგი ფეხბურთელია დაძალიან კარგ ფეხბურთელებს “რეალში” ყოველთვის დიდი სიამოვნებით მივიღებთ. პოგბას დონის ვარსკვლავს მსოფლიოს ნებისმიერ გუნდში შეუძლია თამაში. თუ “რეალში” გადმოსვლას გადაწყვეტს, მას მივესალმებით. თუმცა ახლა ის ჩემპიონთა ლიგაზე ფიქრობს და მათ პატივი უნდა ვცეთ.
ნეიმარი დიდებული ფეხბურთელია და ძალიანა გამიხარდება, თუ ჩვენთან ითამაშებს. თუმცა ვიმეორებ, რომ ეს ფეხბურთელის და პრეზიდენტის გადასაწყვეტია. ბოლოს ის პარიზში ბედნეირი იყო,” – აცხადებს კაზემირო.
