კელერი: რონალდუ საუკეთესო ფეხბურთელია
მოგეხსენებათ, რომ გუშინ “ჩემპიონთა ლიგის” 1/8 ფინალური ეტაპის განმეორებით შეხვედრაში მადრიდის “რეალმა” “შალკეს” უმასპინძლა და 3-1 დაამარცხა…
მატჩის შემდგომ კომენტარი გააკეთა გელზერკინხელთა მთვარმა მწვრთნელმა იენს კელერმა და განაცხადა, რომ მისი გუნდის გარჯით კმაყოფილია.
“ცხადია შედეგით უკმაყოფილო ვარ, მაგრამ ჩემი გუნდის მებრძოლი სულისკვეთებით კმაყოფილი ვარ. ვფიქრობ, რომ “შლკემ” კარგი თამაში აჩვენა და რეპუტაციაც აღიდგინა. მართალია “რეალს” შეეძლო მეტი გოლის გატანა, მაგრამ ჰერმანმა ჩინებულად იასპარეზა”,– აცხადებს კელერი.
გერმანელმა სპეციალისტმა კომენტარი რონალდუზეც გააკეთა: “რაც შეეხება რონალდუს, ის მსოფლიოში საუკეთესო ფეხბურთელია, უბრალოდ ამას არ აღიარებენ. “ბაიერნი” და “რეალი” მსოფლიო კლასის გუნდები არიან, მაგრამ “ბაიერნთან” თამაში ცოტათი უფრო რთულია, რადგან ისინი ბურთს უფრო კარგად აკონტროლებენ. ვფიქრობ, რომ “ბაიერნი” “რეალზე” ოდნავ ძლიერია”, – დაასრულა კელერმა.
