კევინ დე ბრუინის კომენტარი ნახევარფინალში გასვლის შემდეგ

მსოფლიოს ჩემპიონატის მეოთხედფინალში ბელგიამ ბრაზილიას ანგარიშით, 2-1 მოუგო და ნახევარფინალში გავიდა. ისტორიული გამარჯვების შემდეგ, “წითელი ეშმაკების” ნახევარმცველმა, მატჩის საუკეთესო ფეხბურთელმა, კევინ დე ბრუინმა ჟურნალისტებთან ისაუბრა.

“ტაქტიკურად სწორად ვითამაშეთ, რამაც შედეგი გამოიღო. პირველი ნახევარი შესანიშნავად ჩავატარეთ, შევქმენით ბევრი შესაძლებლობა, რათა გოლი გაგვეტანა. მეორე ნახევარში ბრაზილიამ თავისი ტაქტიკა შეცვალა და გვაჯობა. თუმცა, ჩვენც გვქონდა შანსები. ბოლო 15 წუთი მენტალური გამოცდა იყო და დასასრულს ჩვენ იმდენი გავაკეთეთ, რომ მოგვეგო ეს დაპირისპირება. ახლა ექსტრაორდინალურ საფრანგეთს ვუპირისპირდებით, თუმცა, ნებისმიერ შემთხვევაში, როცა უნდა გახვიდე მსოლფიოს ჩემპიონატის ნახევარფინალში, შენ მარტივი მეტოქე არ შეგხვდება. ყველაფერს გავაკეთებთ, რომ მათ მოვუგოთ,” – ამბობს დე ბრუინი.