კევინ-პრინს ბოატენგი: “ინტერი” უარით გავისტურმე”

ფრანკფურტის “აინტრახტის” განელი ნახევარმცველი, კევინ-პრინს ბოატენგი ადასტურებს ინფორმაციას, რომლის მიხედვითაც, ზაფხულში მისი გადაბირების სურვილს მილანის “ინტერი” გამოთქვამდა.

“მართალია, “ინტერი” ჩემს გადაბირებას ცდილობდა, მაგრამ მე ისინი უარით გავისტუმრე. ჩემთვის მილანში მხოლოდ ერთი კლუბი არსებობს.

ემოციური თვალსაზრისით “მილანში” სამი წლის ნაცვლად ათი გავატარე. სხვა იტალიური კლუბებიდანაც მქონდა შემოთავაზებები, მაგრამ არჩევანი “როსონერის” სასარგებლოდ გავაკეთე,” – აცხადებს ბოატენგი, რომელიც აქამდე ესპანური “ლას-პალმასის” ღირსებას იცავდა.

ცნობისთვის გეტყვით, რომ განელმა ფეხბურთელმა “როსონერის” მაისურით 114 მატჩში მიიღო მონაწილეობა და ამ დროის მანძილზე 18 გოლით შეძლო, ჩვენთვის თავი დაემახსოვრებინა.