ხავი: ფეხბურთმა კიდევ ერთი შანსი მოგვცა

“ბარსელონას” ნახევარმცველმა, ხავი ერნანდესმა ლა ლიგის “ფინალზე” გააკეთა კომენტარი.

როგორც იცით, პრიმერა დივიზიონის უკანასკნელ ტურში “ატლეტიკო” “ბარსელონას” ხვდება.

“ბლაუგრანას” მხოლოდ მოგება სჭირდება იმისთვის, რათა ლა ლიგის ტიტულს კიდევ ერთხელ დაეუფლოს.

“ჩვენ ნაადრევად ვფიქრობდით, რომ ლა ლიგის ტიტული დაკარგული გვქონდა, თუმცა ფეხბურთმა კიდევ ერთი შესაძლებლობა მოგვცა, ტურნირის მოგების.

“ბარსელონა” სახლში თამაშობს, საკუთარი გულშემატკივრის წინაშე. ყველა წინაპირობა არის იმისთვის, რომ ეს შეხვედრა ჩვენს სასიკეთოდ დავასრულოთ”, – განაცხადა ხავიმ.