ხედირას ნახევარფინალის გამოტოვება ემუქრება

თარიღი: ივლისი 3, 2016

2 ივლისს, ევროპის ჩემპიონატის მეოთხედფინალში ერთმანეთს გერმანიის და იტალიის ნაკრებები დაუპირისპირდნენ. აღნიშნული შეხვედრა ”ბუნდესნაკრებმა” პენალტების სერიაში 6:5 მოიგო.

მატჩის მე-18 წუთზე, იოაიჰ ლიოვის გუნდის ნახევარმცველმა სამი ხედირამ ბარძაყის კუნთის ტრავმა მიიღო და ნაადრევად შესაცვლელი გახდა.

უახლოეს დღეებში ”იუვენტუსის” ფეხბურთელი სამედიცინო შემოწმებას გაივლის და ცნობილი გახდება, გააგრძელებს თუ არა ასპარეზობას ევრო 2016-ზე.

შეგახსენებთ, რომ მსოფლიოს მოქმედი ჩემპიონი 1/2 – ფინალურ დაპირისპირებას 7 ივლისს, საფრანგეთსა და ისლანდიას შორის გამარჯვებულთან გამართავს.

 

 



მსგავსი სიახლეები