ხესუს ნავასი: “სევილია” პროგრესირებს”

ესპანელი ფეხბურთელი თავისი გუნდის მომავალ თამაშთან დაკავშირებით საუბრობს.

მოგეხსენებათ, უეფას ჩემპიონთა ლიგის ჯგუფური ეტაპის მესამე ტურის შეხვედრაში, “მანჩესტერ სიტი” საკუთარ მოედანზე “სევილიას” უმასპინძლებს.

“ძალიან მოხარული ვარ, რომ “სევილია” წლიდან წლამდე პროგრესირებს. აჩვენებენ კარგ თამაშს. ახლა გუნდმა ჩემპიონთა ლიგაზე ასპარეზობის უფლება მოიპოვა და ისინი მაქსიმალური რეზულტატის დაფიქსირებას შეეცდებიან”, – აცხადებს ხესუს ნავასი.

“ვფიქრობ, ევროპის ლიგის მოგება ადვილი არაა. ახლა “სევილიას” მორიგი მნიშვნელოვანი ნაბიჯის გადადგმის დრო უდგას”, – დაასრულა 29 წლის ესპანელმა.

შეგახსენებთ, ნავასი “ქალაქელთა” შემადგენლობას 2013 წელს 20 მილიონი ევროს სანაცვლოდ სწორედ “სევილიადან” შეუერთდა.

აქვე გეტყვით იმასაც, რომ მიმდინარე სეზონში, ყველა ტურნირში ერთად, ნავასის ანგარიშზე 11 მატჩი და სამი საგოლე გადაცემაა.