“ხიმნასტიკი” ლიდერთან დამარცხდა – კაკაბაძე სასტარტოში

დღეს ლა ლიგა 2-ის მე-20 ტურში “ხიმნასტიკმა” “უესკას” უმასპინძლა და დაძაბულ ბრძოლაში 1-2 დამარცხდა.

“ხიმნასტიკის” სასტარტო შემადგენლობაში იყო საქართველოს ნაკრების მარჯვენა მცველი ოთარ კაკაბაძე, რომელმაც სრული მატჩი ჩაატარა და თავისი გუნდის რიგებში ერთ-ერთი გამორჩეული იყო. ანგარიში სტუმრებმა გახსნეს, 37-ე წუთზე თავი ავილამ გამოიჩინა, ხოლო მეორე ბურთი საკუთარ კარში ბარეირომ ჩაჭრა 79-ე წუთზე. ანგარიში 94-ზე მაიკელმა შეამცირა, თუმცა ამ გოლის შემდეგ მსაჯის სასტვენის ხმაც გაისმა და საბოლოოდ მატჩი “უესკას” გამარჯვებით 2:1 დასრულდა.

ამ მარცხის შემდეგ კაკაბაძის “ხიმნასტიკი” 21 ქულით მე-18 ადილზეა, თუმცა მათ ერთი მატჩით ნაკლები აქვთ ჩატარებული.