ხორდი ალბა გრიზმანს დიდი სიამოვნებით მიიღებს “ბარსელონაში”

ბოლო დროს მადრიდის “ატლეტიკოს” ლიდერს, ანტუან გრიზმანს საკმაოდ ხშირად უწინასწარმეტყველებენ კარიერის “ბარსელონაში” გაგრძელებას. ტრასნფერის ამ შესაძლებლობას ხორდი ალბაც გამოეხმაურა და აღნიშნა, რომ ის გრიზმანს გუნდში დიდი სიამოვნებით მიიღებს.

“გრიზმანი? ჩვენ უმაღლესი დონის ფეხბურთელზე ვსაუბრობთ, რომელიც ბოლო წლების მანძილზე ბრწყინვალედ ართმევს საკუთარ მოვალეობებს თავს. მისგან ნებისმიერი ტიპის დახმარებას მივესალმებით. თუმცა, უკვე ვთქვი, რომ ჩვენი გუნდი ისედაც ძალიან ძლიერია. ვნახოთ, რა მოხდება სატრნსფერო ფანჯარაზე,” – აცხადებს ალბა.

ერთ-ერთ გადაცემაში “ბარსელონას” დირექტორმა, გილერმო ამორმა აღნიშნა, რომ გრიზმანსა და კლუბს შორის კავშირი უკვე შედგა. ალბამ ამაზეც ისაუბრა: “დირექტორის განცხადება? შესაძლებელია, ბართომეუ უკვე შეხვდა გრიზმანის ოჯახს და ტრანსფერის გახორციელების შესაძლებლობაც განიხილეს. ერთი მხრივ, ეს ჩვენი მოვალეობაა, რომ უცხო ფეხბურთელებთან კავშირები გვქონდეს.”