ხვიჩა “ნაპოლიში” გატარებული პირველი კვირის შესახებ

“ნაპოლის” ახალწვეულმა ხვიჩა კვარაცხელიამ ნეაპოლურ კლუბში გატარებული პირველი კვირის შესახებ ისაუბრა.

“მითხრეს, რომ ჯერ ნეაპოლური ენა უნდა შევისწავლო, შემდეგ კი – იტალიური. მხოლოდ რამდენიმე სიტყვა ვისწავლე, თუმცა გუნდში კარგი მასწავლებლები მყავს, რომლებიც დამეხმარებიან. ადგილობრივი სამზარეულოს, პიცის, მოცარელასა და ყავის შესახებ უკვე ვისწავლე რაღაცები.

თანაგუნდელებმა ძალიან თბილად მიმიღეს. ყველას ვუყვარვარ. მათ მე თავისიანად მიმიღეს და თავი საკუთარ სახლში მაგრძნობინეს”, – ციტირებს კვარაცხელიას სიტყვებს Il Mattino.

როგორც მოგეხსენებათ, ხვიჩა კვარაცხელია “ნაპოლის” ამ ზაფხულს შეუერთდა. მხარეებს შორის ხუთწლიანი შრომითი ხელშეკრულება გაფორმდა. ქართველი ფეხბურთელი ნეაპოლური გუნდის რიგებში 77-ნომრიანი ფორმით თამაშობს.