“ხვიჩას” ნაპოლიში” გაუჭირდება, ცხოვრების დონე განსხვავებულია” – ვეტერანი რუსი ფეხბურთელი

ვეტერანმა რუსმა ფეხბურთელმა, ყაზანის “რუბინის” ყოფილმა მცველმა ალეკსეი პოპოვმა ხვიჩა კვარაცხელიას შესახებ კომენტარი გააკეთა.

როგორც იცით, გადაწყვეტილია, რომ ახალგაზრდა ქართველი გარემარბი ზაფხულში “ნაპოლის” შეუერთდება. პოპოვი თვლის, რომ კვარაცხელიას იტალიაში ძალიან გაუჭირდება.

“მე არ ვიცი, როგორ შეეწყობა ის “ნაპოლის”. იქ განსხვავებული ატმოსფეროა, ცხოვრების დონეც განსხვავებულია. ხვიჩა ვერ იქნება ისეთივე კომფორტში, როგორშიც რუსეთსა და საქართველოში იყო. როცა “რუბინში” თამაშს იწყებდა, რუსული ენაც კი არ იცოდა, ახლა იტალიური არ იცის და როგორ გაივლის ადაპტაციას იტალიაში?

ყველას ესმის, რომ ხვიჩა მაღალი დონის მოთამაშეა, მაგრამ მასთან ბევრია სამუშაო. სლუცკი ამას აკეთებდა და შედეგიც მიიღო. “ნაპოლიში” ეს არ მოხდება, ამიტომ მას ძალიან გაუჭირდება”, – განაცხადა პოპოვმა რუსულ მედიასთან ინტერვიუში.

ფოტო: დინამო ბათუმი