კიკნაველიძემ “ზესტაფონი” დატოვა

როგორც Fanebi.Com-ისათვის ცნობილი გახდა, “ზესტაფონი” 20 წლის მარცხენა ნახევარმცველმა, ნოდარ კიკნაველიძემ დატოვა და ის თავისუფალი აგენტი გახდა. კლუბსა და ფეხბურთელს შორის კონტრაქტი ორმხრივი შეთანხმების საფუძველზე შეწყდა.

ჯერ-ჯერჯერობით უცნობია, სად გააგრძელებს კარიერას ახალგაზრდა მოთამაშე.

შეგახსენებთ, რომ კიკნაველიძეს, რომელსაც საქართველოს 19-წლამდელთა ნაკრებში ორი მატჩი აქვს ჩატარებული, უმაღლეს ლიგაში დებიუტი 2011 წელს, “ზესტაფონის” შემადგენლობაში ჰქონდა. გასული სეზონის მეორე ნახევარი, იჯარით, ბათუმის “დინამოში” გაატარა, სადაც თავი საგოლე პასებით გამოიჩინა.

დიტო ჭიჭინაძე