კლაუდიო ბრავო: “ბარსა” უფრო დიდებული კლუბია, ვიდრე “სიტი”
თარიღი: ნოემბერი 14, 2016
“მანჩესტერ სიტის” კიპერმა კლაუდიო ბრავომ, რომელიც “ეტიჰადზე” ამა წლის ზაფხულში “ბარსელონადან” გადაბარგდა, ყოფილი და ამჟამინდელი კლუბები ერთმანეთს შეადარა.
მეკარეს “ბარსელონასა” და “მანჩესტერ სიტის” ერთმანეთთან შედარება ჩილეს ერთ-ერთი ტელეარხის ეთერში სთხოვეს.
“ეს კლუბები ფინანსური შესაძლებლობების მხრივ ერთმანეთის მსგავსნი არიან, მაგრამ “ბარსა” უფრო დიდებულია”, – ციტირებს კლაუდიო ბრავოს სიტყვებს “მუნდო დეპორტივო”.
“მანჩესტერ სიტის” ფანების დიდი ნაწილი კლაუდიო ბრავოს თამაშით აღფრთოვანებული არ არის. მეტიც, ქომაგებმა რამდენჯერმე გამოთქვეს “ტორინოში” გასხვისებული ჯო ჰარტის დაბრუნების სურვილი. საინტერესოა, რა რეაქცია ექნება კლაუდიო ბრავოს ამ სიტყვებზე “მანჩესტერ სიტის” ფანობას.
მსგავსი სიახლეები